Անդամակցությունն Ասոցիացիային կարող է օգտակար լինել տարբեր ոլորտներում հետաքրքրություններ ունեցող և տարբեր մասնագիտական ու տարիքային խմբերի մարդկանց համար.

• Պոտենցիալ ներդնողներին Ասոցիացիան հնարավորություն է տալիս ներդրումներ կատարել Ասոցիացիայի համակարգման տակ գտնվող կամ նրա կողմից իրականացվող իրենց գրաված բիզնես-նախագծերում` հետագայում շահույթ ստանալու ակնկալիքով


• Արտադրական բիզնես ունեցող գործարարներին Ասոցիացիան կտա գործող բիզնեսի էֆեկտիվության բարձրացման և արտերկրում նոր շուկաներ նվաճելու հնարավորություն


• Ուսանողների համար Ասոցիացիան ստեղծում է պրակտիկայի անցկացման և աշխատանքի անցնելու հնարավորություն


• Բիզնեսով հետաքրքրվող մասնագիտական և տարիքային տարբեր խմբերի ներկայացուցիչների համար Ասոցիացիան իր Կայքի միջոցով հնարավորություն է ընձեռում շփվել գործարար ոլորտում հաջողությունների հասած, բարձր գիտելիքներ և մասնագիտական փորձ ունեցող մարդկանց հետ, ստանալ իրենց հուզող հարցերի պատասխաններ, ինչպես նաև խորհրդատվություն


• Իրավաբանական անձանց համար անդամակցությունն Ասոցիացիային տալիս է հնարավորություն մշտապես լինել Ասոցիացիայի կայքէջի այցելուների ուշադրության կենտրոնում, քանի որ դառնալով Ասոցիացիա 3Ա-ի անդամ` տվյալ իրավաբանական անձը կարող է տեղադրել ինֆորմացիա իր գործունեության մասին և իր տարբերանշանը (լոգոն) Ասոցիացիայի կայքէջում, ինչը նոր հնարավորություններ կստեղծի այլ ընկերությունների ու անհատների հետ արդյունավետ համագործակցություն սկսելու և զարգացնելու համար

Կայքէջի միջոցով ակտիվ մասնակցելով Ասոցիացիայի գործունեությանը` Ասոցիացիայի անդամները ձեռք են բերում ռեյտինգներ, որոնք հետագայում նրանց անհրաժեշտ են լինելու ընտրությունների և Ասոցիացիայի կողմից իրականացվող բիզնես-նախագծերում ներդրումներ կատարելու հնարավորություն ունենալու ժամանակ:

Որպեսզի անդամագրվել Ասոցիացիային, պետք է այցելել www.arm3a.org կայք, մտնել ԳՐԱՆՑՈՒՄ բաժինը, լրացնել դիմումաձևը և 3 օրվա ընթացքում Դուք Ձեր կողմից նշված էլեկտրոնային փոստի հասցեով կստանաք հղում, ակտիվացնելով որը` կգրանցվեք Ասոցիացիայի Կայքում որպես Օգտագործող և ավտոմատ կերպով կդառնաք Ասոցիացիայի անդամ:

Ասոցիացիայի յուրաքանչյուր անդամ կարող է առաջարկել իր բիզնես-նախագծերը Ասոցիացիայի կողմից իրականցնելու նպատակով: Ասոցիացիայի ղեկավար մարմինները պետք է քննարկեն այդ առաջարկները և որոշեն` արդյո՞ք նպատակահարմար է դրանց իրագործումը թե ոչ: Բոլոր այն անդամներին, ովքեր Ասոցիացիայի Կայքէջի միջոցով նախագծեր և առաջարկներ են ներկայացրել, Ասոցիացիայի կողմից տրվում են վկայականներ, որտեղ նկարագրվում է առաջարկի բովանդակությունը, նշվում են այն արած անդամի տվյալները (անուն – ազգանուն, ծննդյան թիվ, հաշվառման վայր, անձնագրային տվյալներ) և առաջարկն անելու ամսաթիվը: Առանձին դեպքերում կարող է քննարկվել Ասոցիացիայի աջակցությունը տվյալ անդամին` իր հեղինակային իրավունքները գրանցելու հարցում: